Foto: Reuters

Rossiya Federatsiyasi prezidenti Vladimir Putin Gʻarb nishonlariga hujum qilish maqsadida davlatlarni qurollantirish mumkinligi haqida ogohlantirdi. Ammo u qaysi mamlakatlar ekanini ochiq aytmagan.

Putin ushbu bayonotini Gʻarbning bir qancha davlatlari Ukrainaga uzoq masofaga uchuvchi qurollar yetkazib berish qaroridan soʻng eʼlon qilgan. Bunday harakat «juda jiddiy muammolarga olib kelishi mumkin», — degan Putin xorijiy jurnalistlarga.

«Agar kimdir bizning hududimizga hujum qilish uchun urush hududiga qurollarni yetkazib berish va biz uchun muammo tugʻdirsa, nega biz dunyoning boshqa urush nuqtalariga qurol yetkazib berishim mumkin emas», — degan prezident.

AQSH prezidenti Jo Bayden Ukrainaga Amerika tomonidan yetkazib berilgan qurollarni Rossiyadagi nishonlarga Xarkov viloyati yaqinida zarba berishga rozilik bildirdi. Ammo Oq uy Ukraina uzoq masofali ATACMS raketalarini Rossiyaga hujum qilishda ishlata olmasligini aytgan.

Shuningdek, Rossiya rahbari Gʻarbning Moskva hech qachon yadro qurolidan foydalanmaydi, deb oʻylashi notoʻgʻri ekanligidan ogohlantirdi.

«Negadir Gʻarb Rossiya bundan hech qachon foydalanmaydi, deb hisoblaydi. Bizda yadro doktrinasi bor. Agar kimningdir harakatlari suverenitetimiz va hududiy yaxlitligimizga tahdid soladigan boʻlsa, biz oʻz ixtiyorimizdagi barcha vositalarni ishga solishimiz mumkin», — degan Putin «Reuters» agentligining yadroviy xavf haqidagi savoliga. Shu oʻrinda, Rossiya rahbari bu masalani yengil qabul qilish kerakmasligini taʼkidlagan.