Ramazon 18-fevraldanmi yoki 19-dan? Oʻzbekiston musulmonlari idorasi tushuntirish berdi

22:34 17 Fevral 2026 Jamiyat
553 0

Ijtimoiy tarmoqlarda Saudiya Arabistoni Oliy sudining Oy koʻrish qoʻmitasi Ramazon hiloli koʻringani, shu munosabati bilan Ramazon oyining birinchi kuni 18-fevraldan boshlanishini maʼlum qilgani haqida xabarlar tarqaldi. Oʻzbekiston musulmonlari idorasi yuzaga kelgan ushbu vaziyat yuzasidan tushuntirish berdi.

Bildirilishicha, joriy yil 17-fevral kuni Oʻzbekiston musulmonlari idorasi Fatvo markazi ulamolari hijriy 1447-yil Ramazon oyi hiloli koʻrinmagan. Shuningdek, Oʻzbekiston Fanlar akademiyasi Astronomiya instituti taqdim etgan maʼlumoti ham mazkur kuzatishlarni tasdiqlagan.

“Shu bois, joriy yil 18-fevral kunini hijriy 1447-yil Shaʼbon oyining oʻttizinchi kuni, Ramazon oyining birinchi kuni esa shu yilning 19-fevral kuniga toʻgʻri kelishi haqida qaror qabul qilindi”, deyiladi idora xabarida.

Qayd etilishicha, quyidagi aksar musulmon mamlakatlari ham Ramazon oyining birinchi kunini shu yilning 19-fevral kuni, deb eʼlon qilgan:

• Misr Arab Respublikasi;

• Iordaniya;

• Suriya;

• Iroq;

• Eron;

• Turkiya;

• Qozogʻiston;

• Qirgʻiziston;

• Tojikiston;

• Turkmaniston;

• Ozarbayjon;

• Indoneziya;

• Bruney;

• Ummon;

• Singapur;

• Avstraliya;

• Yaponiya;

• Pokiston;

• Hindiston;

• Malayziya;

• Janubiy Koreya.

Shuningdek, Yevropa fatvo va tadqiqotlar kengashi tomonidan joriy yil 19-fevral kunini Ramazon oyining birinchi kuni, deb eʼlon qilindi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер