Foto: “Turmush.kz”

Qirgʻiziston-Oʻzbekiston chegarasidagi “Qorasuv” nazorat-oʻtkazish punkti yaqin kunlarda ochilishga tayyorlanmoqda. Bu haqda “Turmush.kz” xabar berdi.

Qayd etilishicha, rekonstruksiya ishlari doirasida “Qorasuv” nazorat-oʻtkazish punktigacha boʻlgan yoʻllar kengaytirilgan. Bugungi kunda nazorat punkti ochilishga tayyor. Qirgʻiziston va Oʻzbekiston fuqarolari ushbu punkt orqali davlat chegarasini kesib oʻtadi.

​

Prezident Sadir Japarovning Oʻsh viloyatidagi vakolatli vakili Elchibek Jantayevga koʻra, mazkur punkt foydalanishga topshirilsa, “Doʻstlik avtodorojniy” nazorat-oʻtkazish punktida yuklanish kamayadi.

​

Bundan tashqari, Elchibek Jantayev boshchiligidagi delegatsiya Qirgʻiziston-Oʻzbekiston chegarasidagi “Intimak” nazorat-oʻtkazish punkti yaqinidagi tiklanayotgan koʻprikni koʻzdan kechirgan.

​

Maʼlumot uchun, “Qorasuv” nazorat-oʻtkazish punkti 14-yil, “Intimak” nazorat-oʻtkazish punkti esa 2004-yildan beri yopiq.