Prezident saylovida qancha mahkum ovoz berishi maʼlum qilindi

23:58 23 Oktyabr 2021 Jamiyat
590 0

Joriy yilgi Prezident saylovida ilk bor uncha ogʻir boʻlmagan yoki ijtimoiy xavfi katta boʻlmagan jinoyatlarni sodir etganligi uchun jazo muddatini oʻtayotgan mahkumlar ham qatnashishi mumkin.

Xususan, bugun qamoqda saqlash va ozodlikdan mahrum etish joylarida saylovda ovoz berish huquqiga ega boʻlgan 8 203 nafar saylovchilar ovoz berish huquqidan foydalanish imkoniyatiga ega.

Saylov qonunchiligiga koʻra, saylovga 60 kun qolganda qamoqda saqlash va ozodlikdan mahrum etish joylaridagi saylovchilarning ovoz berishi uchun jami 18 ta saylov uchastkalari tashkil etildi.

Mazkur saylov jarayonlarida nomzodlar, kuzatuvchilar, ommaviy axborot vositalari vakillari ishtirok etish huquqiga ega va ular toʻsiqsiz ichkariga qoʻyiladi.

Jazoni ijro etish muassasalari va tergov hibsxonalaridagi saylovchilarning ovoz berish huquqi toʻliq taʼminlanadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?