Parlament aʼzolari biznes va investorlar uchun qulay muhit yaratishga qaratilgan qonunchilik tashabbuslarini muhokama qildi — Fotoreportaj

Foto: Yunus Boʻriyev/“Xalq soʻzi”
Maʼlumki, bugun, 1-iyul kuni Xiva shahrida Birinchi Oʻzbekiston-Ozarbayjon parlamentlararo forumi oʻz ishini boshlagan edi.

Forum doirasida “Iqtisodiy taraqqiyotni parlament tomonidan qoʻllab-quvvatlash: biznes va investitsiyalar uchun yangi imkoniyatlar” mavzusida panel sessiyasi oʻtkazildi.



Mazkur sessiya davomida ikki mamlakatning iqtisodiy rivoji uchun parlamentlar tomonidan qonunchilik asoslari yaratish, investorlar uchun qulay muhit shakllantirish, kichik biznesni ragʻbatlantirish masalalari muhokama qilindi.




Imtiyozli soliq va kredit siyosati, soddalashtirilgan tartib-taomillar, savdo va investitsiya bitimlarini qonuniy asosda mustahkamlash, davlat-xususiy sheriklikni kengaytirish borasida parlament tashabbuslari taqdim etildi.




Shuningdek, raqamli iqtisodiyot, mobil startaplar, moliyaviy texnologiyalar, yashil texnologiyalar va ekologik loyihalarga investitsiya jalb etish boʻyicha ham fikrlar bildirildi.




Sessiya yakunida parlamentlar biznes hamjamiyati bilan bevosita muloqotda boʻlishi va iqtisodiy siyosatni qonunchilik orqali qoʻllab-quvvatlashi zarurligi qayd etildi.
Yunus BOʻRIYEV, Otabek SAIDAHMADOV
“Xalq soʻzi”
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Samarqandda YUNESKOning 43-sessiyasiga tayyorgarlik avjida
- Aholi va qishloq xoʻjaligini roʻyxatga olishga tayyorgarlik koʻrish va uni oʻtkazish tartibi belgilandi
- Hududlarda 34 ta yuqori texnologiyali sanoat loyihalari amalga oshiriladi
- Turkiy xalqlarning maʼnaviy yalovbardori
- Xorijiy tillarni oʻrganmoqchi boʻlgan yoshlarga “2+6” dasturiga muvofiq subsidiya ajratiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring