“Paxtakor” uch nafar futbolchining transferini eʼlon qildi
“Paxtakor” klubi 3 ta futbolchining transferini eʼlon qildi. Bu haqida klubning rasmiy sahifasida maʼlumot berildi.
Unga koʻra, 2019–2023-yillarda ushbu klubda toʻp surgan va jamoa bilan 5-marta Oʻzbekiston chempionligini qoʻlga kiritgan posbon Sanjar Quvvatov jamoaga qaytgan. Darvozabon oʻtgan mavsumni Navoiyning “Qizilqum” klubida oʻtkazgan edi.
Shuningdek, “sherlar” uzoq yillar mobaynida Qarshining “Nasaf” klubi sharafini himoya qilib kelgan Oybek Bozorov va Sherzod Nasrullayev bilan ham kelishuvga erishgan. Har ikki futbolchi 2026-yilgi mavsumni Toshkent klubi safida oʻtkazadi.
Klubning Telegram kanalida berilgan rasmlar shuni koʻrsatadiki, yangi futbolchilarning jamoadagi raqamlari ham maʼlum boʻlib ulgurgan. Unga koʻra, Sanjar Quvvatov 35 raqamda, Oybek Bozorov 77 raqamda va Sherzod Nasrullayev 34 raqamda toʻp suradilar.
Maʼlumot uchun, “Paxtakor” klubi qishki transferlar oynasida yana 7 ta futbolchi bilan shartnoma imzolash imkoniyatiga ega.
Tavsiya etamiz
Ko‘p o‘qilganlar
- Oʻzbekistondagi Islom sivilizatsiyasi markaziga kirish narxlari eʼlon qilindi
- Prezident raisligida videoselektor yigʻilishi boshlandi
- AQSH Hoʻrmuz boʻgʻozida kemalarni kuzatib borishni boshlashi mumkin
- 14-mart kuni kuzatiladigan ob-havo prognozi eʼlon qilindi
- Qiyinchiliklarda toblangan, ichki kuch va ogʻriqlarni jilovlay olgan — “Inson”
- Toshkent viloyatida Abdulla Oripov uy-muzeyi ochildi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring