“Tashkent city”dagi Congress Hall majmuasida “Toshkent yoshlar forumi — 2020” doirasida “Toshkentning madaniy va turistik qiyofasi – 2030” mavzusida ochiq muloqot boʻlib oʻtmoqda. Unda Madaniyat vaziri Ozodbek Nazarbekov sohada amalga oshirilayotgan va rejadagi ishlar boʻyicha savollarga javob qaytardi.

Shuningdek, u YUNESKO roʻyxatiga kiritilgan Tosh hovli madaniy merosi obyekti buzilganiga munosabat bildirdi.

– “YUNESKO roʻyxatiga kiradigan ushbu obidaning devorlari buzilishi boʻyicha prokuratura xodimlari tegishli ishlarni olib borishyapti. Tez orada bunga aloqador boʻlgan barcha jinoyatchilarga tegishli choralar koʻriladi. Lekin buning oʻzi yetarli boʻlarmikan? Bizda avvalo madaniy merosga boʻlgan munosabatni oʻzgartirish kerak. Toki jamiyatda tarixiy obidalarni asrab-avaylash muhiti shakllanmas ekan, 50 yildan keyin ham har gal bu holat takrorlanganda «madaniyat vazirligi qayerga qarayapti?» degan savollar aylanaveradi”, dedi Ozodbek Nazarbekov.