Oʻzimizda chiqadigan bazalt mahsulotlari ham ichki ehtiyojni, ham tashqi talabni toʻliq qoplashga yetarli — Prezident

13:09 09 Aprel 2024 Siyosat
312 0

Prezident Shavkat Mirziyoyev raisligida oʻtayotgan yigʻilishda Jizzax viloyatini ijtimoiy-iqtisodiy rivojlantirish masalalari muhokama qilinmoqda.

Yigʻilishda iqtisodiyot tarmoqlarida oʻzimizda ishlab chiqarilgan qurilish materiallaridan foydalanishni kengaytirish muhim ekani qayd etildi.

Masalan, oʻzimizda chiqadigan bazalt mahsulotlari ham ichki ehtiyojni, ham tashqi talabni toʻliq qoplashga yetarli.

Mahalliy bazalt mahsulotlarini xalqaro sertifikatsiyadan oʻtkazishga koʻmaklashish, qurilish, irrigatsiya va kommunal xoʻjaligidagi qurilish normalarida bazalt mahsulotidan foydalanishni koʻpaytirish lozimligi taʼkidlandi.

Yevropa va boshqa rivojlangan davlatlardan olim va mutaxassislarni olib kelib, bu sohada ilmiy-tadqiqot ishlarini rivojlantirishga koʻrsatma berildi.

Davlatimiz rahbari elektr jihozlari chiqarishni yoʻlga qoʻygan “Mono elektrik” korxonasining kasanachilik asosida 250 nafar koʻzi ojizlarni ish bilan taʼminlash rejasini namunali tajriba sifatida qayd etdi.

“Bu – ular uchun ham doimiy daromad manbai, ham jamiyatda oʻz oʻrnini topishga imkon”, — dedi Prezident.

Mutasaddilarga bu borada Jizzax tajribasini yoʻlga qoʻyish, shu kabi kasanachilik loyihalarini koʻpaytirish boʻyicha topshiriqlar berildi.

 

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер