Oʻzbekistonda hindlar tomonidan “Bobur” seriali suratga olinadi
«Oʻzbekkino» Milliy agentligida Hindistonning “WINGSPAN group” kompaniyasi tomonidan “Bobur” serialini Oʻzbekistonda suratga olish boʻyicha agentlik bilan memorandum imzolandi. Bu haqda Agentlik axborot xizmati xabar berdi.
Endilikda hind kinoijodkorlari tomonidan Oʻzbekistonning Fargʻona, Samarqand, Buxoro, Xiva hududlarida suratga olish ishlari boʻlib oʻtadi. “WINGSPAN group” kompaniyasi vakillari Tasnim Udaypurvala, Neraj Rati hamda Agentlik Bosh direktori Firdavs Abduxoliqov oʻrtasida memorandum imzolandi. Oʻzbekiston Respublikasi Prezidentining “Oʻzbekiston Respublikasida turizm sohasini yana-da rivojlantirish chora-tadbirlari toʻgʻrisida” 2019-yil 13-avgustdagi PF-5781-son Farmoni hamda Vazirlar Mahkamasining 2020-yil 19-sentyabrdagi 568-son qaroriga muvofiq, hind kinoijodkorlari uchun “rebate” tizimi joriy etiladi.
“Bobur” serialida Zahiriddin Muhammad Boburning bolalik va oʻsmirlik davri, Boburning Afgʻonistondagi hukmronligi, hindlar tomon yurishi, Boburiylar sulolasiga asos solishi, adabiyot olamida tutgan oʻrni va hind diyorida amalga oshirgan islohotlari haqida hikoya qilinadi.
Mazkur serial shoh va shoir, jamoat arbobi Bobur shaxsini dunyoga tanitishda, shuningdek, serialning mamlakatimiz hududida suratga olinishi Oʻzbekistonning turizm salohiyatini koʻtarishda, xalqlararo madaniy aloqalar, doʻstlik munosabatlarining yaxshilanishiga turtki boʻladi.
Serialning mamlakatimizda tasvirga olish ishlari joriy yilning dekabr oyidan boshlanishi rejalashtirilgan.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring