Statistika agentligi 2024 yilning yanvar-sentyabr oylarida O‘zbekistonga ko‘chib kelganlarning umumiy miqdori va tarkibini ma’lum qildi. Bu haqda Agentlikning matbuot xizmati xabar berdi.

Maʼlum boʻlishicha, koʻchib kelganlarning asosiy qismi Rossiya Federatsiyasidan kelgan. Rossiyadan kelganlarning ulushi umumiy koʻchib keluvchilarning 37,8 foizini tashkil etib, jami 656 kishini tashkil etmoqda. Bu koʻrsatkich boshqa davlatlardan kelganlarga nisbatan eng yuqori ulushga ega.

Qozogʻistondan kelganlar umumiy koʻchib keluvchilarning 24,7 foizini tashkil etadi va jami 428 kishini tashkil qilgan. Tojikistondan esa 10 foiz ulush bilan 173 kishi Oʻzbekistonga yashash uchun kelgan. Bu davlatlar Oʻzbekistonga migratsiya boʻyicha yetakchi oʻrinda turibdi.

Shuningdek, Qirgʻiziston Respublikasidan koʻchib kelganlar soni ham sezilarli darajada boʻlib, ular 6,2 foiz ulush bilan 108 kishini tashkil etmoqda. Turkmanistondan kelganlar 2,5 foiz ulushga ega boʻlib, bu koʻrsatkich 44 kishiga teng. Boshqa mamlakatlardan kelganlar esa umumiy migratsiyaning 18,8 foizini tashkil qiladi.

Oʻzbekistonga doimiy yashash uchun koʻchib kelganlarning asosiy qismi yaqin qoʻshni davlatlardan kelmoqda. Bu esa mintaqaviy migratsiya va iqtisodiy omillar bilan bogʻliq boʻlishi mumkin. Koʻchib kelganlarning aksariyati ish imkoniyatlari va yaxshi hayot izlab Oʻzbekistonga kelayotganini koʻrsatadi.