Oʻzbekiston terma jamoasi Oʻmon bilan durang oʻynadi
Kecha, 30-avgust kuni Markaziy Osiyo Futbol Assotsiatsiyasi tomonidan oʻtkazilayotgan “CAFA National Cup” musobaqasining “A” guruhi bahslari start oldi.
Dastlabki bahs poytaxtimizdagi “JAR” stadionida tashkil etilib, unda Qirgʻiz Respublikasi va Turkmaniston terma jamoalari kuch sinashdi.
Uchrashuv 1:1 hisobidagi durang natija bilan yakunlandi. Qirgʻizlarning goliga Joel Kojo mualliflik qilgan boʻlsa, Turkmaniston terma jamoasidan Vepa Jumayev oʻz nomini tabloga yozdirib qoʻydi.
Guruhdagi ikkinchi oʻyin esa Olimpiya shaharchasida joylashgan yangi stadionda boʻlib oʻtdi. Unda Oʻzbekiston va Oʻmon Sultonligi terma jamoalari oʻzaro toʻqnash keldi.
Bu bahs ham 1:1 hisobi bilan yakunlandi. Mehmonlar tomonidan kiritilgan gol Nasir Al-Ravahiy hisobiga yozilgan boʻlsa, Oʻzbekiston terma jamoasining yagona goliga Xojimat Erkinov mualliflik qildi.
Maʼlumot uchun, Oʻzbekiston milliy terma jamoasi navbatdagi oʻyinini 2-sentyabr kuni Turkmaniston terma jamoasiga qarshi oʻtkazadi.
Tavsiya etamiz
Ko‘p o‘qilganlar
- “Bunyodkor” murabbiyi Sergey Arslanov vafot etdi
- Oʻzbekistonda dollar kursi pastladi
- Qondagi glyukozani pasaytirish uchun kechki ovqatlanishning ideal vaqti maʼlum boʻldi
- Sardobaning siri nimada?
- Kamchatka sohillaridagi kuchli zilziladan soʻng Oʻzbekiston Konsulligi vatandoshlarimizga murojaat qildi
- Buxorolik doktorant nimaning evaziga Prezident sovgʻasi – avtomobilga ega boʻldi?
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring