Oʻzbekiston terma jamoasi 65-Xalqaro matematika olimpiadasida 2 ta kumush, 3 ta bronza medallarini qoʻlga kiritdi. Bu haqda Maktabgacha va maktab taʼlimi vazirligi xabar berdi.

Qayd etilishicha, mazkur olimpiadada dunyoning 110 ta mamlakatidan 600 dan ortiq iqtidorli yoshlar ishtirok etishdi.

Medal sohiblari:

Ozobek Axtamov – Muhammad al-Xorazmiy nomidagi ixtisoslashtirilgan maktabning 10-sinf oʻquvchisi — bronza medal,

Rasulbek Gʻaffarov – Muhammad al-Xorazmiy nomidagi ixtisoslashtirilgan maktabning 9-sinf oʻquvchisi — bronza medal,

Madina Suyunova — Qashqadaryo viloyati Kitob tumanidagi 96-maktabning 11-sinf oʻquvchisi — bronza medal,

Elbek Zohidjonov — Muhammad al-Xorazmiy nomidagi ixtisoslashtirilgan maktabning 9-sinf oʻquvchisi — kumush medal,

Toʻlqin Jaylovov – Qashqadaryo viloyati Qarshi shahridagi 1-sonli ixtisoslashtirilgan maktab internatining 9-sinf oʻquvchisi— kumush medalni qoʻlga kiritdi.