Oʻzbekiston Prezidenti “As-Salom” saroy-muzeyiga tashrif buyurdi
Foto: Prezident matbuot xizmati
Tashrif dasturiga muvofiq, O‘zbekiston Respublikasi Prezidenti Shavkat Mirziyoyev Al-Kuvayt shahridagi "As-Salom" saroy-muzeyiga tashrif buyurdi.
Saroy 1960-1964-yillarda o‘ziga xos arab me’morchiligi uslubida bunyod etilgan va 1990-yilgacha Kuvaytga tashrif buyurgan xorijiy rahbarlar uchun rasmiy qarorgoh bo‘lib xizmat qilgan.
2019-yilda saroyda muzey ochilgan bo‘lib, unda 32 ming kvadrat metr maydonda Kuvaytning ko‘p asrlik tarixi va madaniyatini aks ettiruvchi noyob eksponatlar namoyish etilmoqda.
Davlatimiz rahbari muzey ekspozitsiyasi bilan tanishib, uning me’moriy konsepsiyasi va zamonaviy infratuzilmasini yuqori baholadi.
O‘zbekiston bilan Kuvayt madaniy almashinuvlarini, xususan, muzey ishi va tarixiy merosni asrash sohasidagi aloqalarni kengaytirish, qo‘shma gumanitar dasturlarni amalga oshirish va o‘zaro ko‘rgazmalar tashkil etish muhimligi qayd etildi.
Yakunda O‘zbekiston Prezidenti Shavkat Mirziyoyev muzeyning Faxriy mehmonlar kitobida dastxat yozib qoldirdi.
Tavsiya etamiz
Ko‘p o‘qilganlar
- Endi taʼlim granti talabalarning oʻzlashtirishiga qarab har yili qayta taqsimlanadi
- Tadbirkor ayollarga garovsiz kredit ajratiladi
- Turkiy davlatlar tashkilotiga aʼzo mamlakatlar raqamli iqtisodiyot sohasida hamkorlik qiladi
- Oʻzbekistonda Imom Moturidiy tavalludining 1155-yilligi keng nishonlanadi
- Tadbirkor ayollar kengashi tashkil etiladi
- Har qanday shaxsni uning roziligisiz tasvirga olish taqiqlanishi mumkin
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring