Oʻzbekiston milliy terma jamoasi futbolchisi jiddiy jarohat oldi
Foto: Arxiv surat
Oʻzbekiston milliy terma jamoasi va Eronning “Istiqlol Tehron” klubi futbolchisi Jaloliddin Masharipovning jarohati jiddiy boʻlib chiqdi. Bu haqda Eronning Tasnim axborot agentligi xabar bermoqda.
Masharipov jamoasining Turkiyadagi yigʻini vaqtida tizzasidan jarohat olgandi. Jamoa shifokorlari dastlabki tekshiruvdan soʻng, uning tizza toʻr pufagi yorilganini maʼlum qilishdi. Ammo futbolchi oʻzini yaxshi his qilayotganini va tizzasida bunday jarohat yoʻqligini aytdi.
Shundan soʻng, klub uni tinchlantirish maqsadida boshqa joyda tibbiy tekshiruvdan oʻtkazdi va bu gal endi Jaloliddinning jarohati jiddiy ekani maʼlum boʻldi.
Yuzaga kelgan holat tufayli Masharipov mavsumning birinchi qismini oʻtkazib yuborishi kutilmoqda. Klub uni roʻyxatdan chiqarib yubormoqchi.
Maʼlumot uchun, 2024-yilning fevralida “Istiqlol Tehron” bilan shartnoma imzolagan Masharipov shu vaqtga qadar jamoa safida 50 ta oʻyinda maydonga tushib, 3 ta gol urishga muvaffaq boʻlgandi.
Tavsiya etamiz
Ko‘p o‘qilganlar
- 21-oktyabr – Oʻzbek tili bayrami kuni
- Oʻz xalqini Siz kabi chin dildan sevadigan davlat rahbarini uchratmadim – “ACWA Power” kompaniyasi boshqaruvi raisi Muhammad Abunayyan
- Oʻzbekiston tasviriy sanʼat galereyasida Samarqand maktabining yangi nafasi
- Lamin Yamal “Barselona”ni tark etishi mumkin
- Ish bilan bogʻliq baxtsiz hodisalar va kasbga oid kasalliklar haqidagi maʼlumotlarning yaxlit tizimi yoʻqligi koʻrsatib oʻtildi
- Har bir hududda “Kasaba uyushmalari bogʻlari” tashkil etiladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring