Hukumat qarori bilan Oʻzbekiston davlat xareografiya akademiyasining davlat taʼlim muassasasi shaklidagi Urganch filiali tashkil etildi.

Filial tarkibida “Lazgi” ijrochiligini yana-da rivojlantirish boʻlimi ochildi.

Raqs sanʼati boʻyicha yuqori malakali bakalavr va magistrlarni, shuningdek, ushbu sohada chuqur tadqiqotlar olib borish salohiyatiga ega ilmiy va ilmiy-pedagog kadrlarni tayyorlash Filialning asosiy vazifalaridan biri hisoblanadi.

Shuningdek, “Lazgi” ijro yoʻli namunalari “Oltin fondi”ni yaratish “Lazgi” boʻlimining asosiy vazifalaridan etib belgilandi.

Qarorga koʻra, Filial huzurida quyidagilar tashkil etiladi:

“Lazgi”ning yaratilish tarixi va rivojlanish davrini qamrab olgan doimiy ekspozitsiya;

“Lazgi” ijro yoʻlida yaratilgan ijod namunalarining fonotekasi;

“Lazgi”ga oid liboslar namunalari galereyasi, koʻrgazmalar zali hamda artistik kafesi;

“Lazgi” bolalar havaskorlik teatr-studiyasi.

Filialda oʻquv jarayoni 2021/2022 oʻquv yilidan boshlanadi.

Filialga talabalarni bakalavriat taʼlim yoʻnalishlari boʻyicha qabul koʻrsatkichlari har yili OTMga oʻqishga qabul qilish parametrlaridan kelib chiqqan holda shakllantiriladi.