Oʻttiz yoshli yigit umrbod ozodlikdan mahrum etildi
Koson tumanida yashovchi, 2023-yilda turmush qurgan Sardor (maqoladagi ism-familiyalar oʻzgartirilgan) va Sevaraning oʻzaro kelisha olmay ajrashishi, ularning yaqinlari uchun fojiali yakun topdi.
2025-yilning 2-iyul kuni Sevara va yaqinlari kuyovning uyidan narsalarini olib kelish uchun borishgan. Shu yerda ikki oila vakillari oʻrtasida yana janjal kelib chiqqan. Kelinning akasi Qodir Samadov kuyovning ikki akasiga pichoq bilan tashlanib, ularga jiddiy tan jarohatlari yetkazgan. Natijada jabrdiydalardan bir voqea joyida, ikkinchisi esa shifoxonada hayotdan koʻz yumgan.
Jinoyat ishlari boʻyicha Koson tumani sudining ochiq sud majlisida 1996-yilda tugʻilgan Qodir Samadov tomonidan sodir etilgan qilmish koʻrib chiqilib, unga umrbod ozodlikdan mahrum qilish jazosi tayinlandi.
Maʼlumot oʻrnida: 2025-yilda Qashqadaryo viloyatida qasddan odam oʻldirish bilan bogʻliq jinoyatlari soni 24 tani tashkil etgan. Bu 2024-yil bilan qiyoslaganda, ushbu turdagi jinoyatlar soni 2 taga ortganini koʻrsatadi.
Jahongir BOYMURODOV, “Xalq soʻzi”.
Tavsiya etamiz
Ko‘p o‘qilganlar
- “Analog turmush tarzi”. Insonlarda sunʼiy intellektga qarshi kayfiyat kuchaymoqda
- Dunyo boʻylab qon va koʻzyosh bilan oʻtgan bir hafta — 20 ta suratda
- Prezident Oʻzbekiston bojxona sohasi xodimlariga tabrik yoʻlladi
- “Nigilist pingvin”. Ruhan ezilgan va hayotdan maʼno izlayotganlar uchun noodatiy mem ommalashmoqda
- Tarix va zamonaviylik uygʻunlashgan shahar — Turkiya poytaxtidan fotoreportaj
- Kuchli qichishish va jismoniy azobdan tashqari, insonni ruhan ham yemiradi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring