Ertaga Moʻgʻuliston poytaxtida sport kurashlari boʻyicha navbatdagi qitʼa birinchiligi start oladi. 

Bugun musobaqa oldidan bellashuvlarga aloqador rasmiy tadbirlar oʻtkazildi. Ular orasida ahamiyatlilaridan biri qurʼa tashlash marosimidir.

Chempionatni “klassik” kurashchilar boshlab berishadi. Ayni paytda Ravshan Roʻziqulov boshchiligidagi terma jamoamiz soʻnggi tayyorgarlik mashqlarini olib bormoqda. Qurʼa natijasiga koʻra, polvonlarimiz musobaqani quyidagi raqiblariga qarshi boshlashadi:

-55 kg.: Jasurbek Ortiqboyev – Balbai Dordokov (Qirgʻiziston)
-60 kg.: Feruz Toʻxtayev – Ayata Suzuki (Yaponiya)
-63 kg.: Islomjon Bahromov – Jinseub Song (J.Koreya)
-67 kg.: Mahmud Baxshulloyev – Nyamdorj Battulga (Moʻgʻuliston)
-72 kg.: Mirzobek Rahmatov – Vikas Vikas (Hindiston)
-77 kg.: Aram Vardanyan – Xyongvu Kim (J.Koreya)
-82 kg.: Muhammadqodir Rasulov – Batzul Damjin (Moʻgʻuliston)
-87 kg.: Jalgasbay Berdimuratov – Batbayar Lutbayar (Moʻgʻuliston)
-97 kg.: Rustam Assakalov – Takaxiro Suruda (Yaponiya)
-130 kg.: Moʻminjon Abdullayev – Prem Prem (Hindiston) / Amir Gʻosimimon (Eron).