“Oltin toʻp”ga kim loyiq? Messi oʻz tanlovini amalga oshirdi

10:28 17 Oktyabr 2024 Sport
410 0

Argentina terma jamoasi hamda “Inter Mayami” hujumchisi Lionel Messi 2024-yilgi “Oltin toʻp”ni hamma taxmin qilayotganidek “Real Madrid va Braziliya terma jamoasi aʼzosi Vinisius emas, oʻzining terma jamoadagi sherigi qoʻlga kiritishi kerakligini bildirdi. Bu haqda “Goal” nashri yozgan.

Gap shundaki, 8 karra “Oltin toʻp” sohibi Argentina va “Inter” jamoasi aʼzosi Lautaro Martines “Oltin toʻp”ni qoʻlga kiritishi kerak deb hisoblaydi.

“U juda ajoyib mavsum oʻtkazdi. Amerika Kubogida eng yaxshi toʻpurar boʻldi hamda finalda gol urdi. Lautaro sovringa boshqalardan koʻra koʻproq loyiq”, deydi Messi.

Maʼlumot uchun aytish mumkinki, Martines 2024-yilda “Inter” safida Italiya chempionligini qoʻlga kiritdi, shuningdek, A Seriyada eng yaxshi toʻpurarga aylandi. Argentina terma jamoasi bilan birga Amerika Kubogida zafar quchdi va toʻpurar boʻldi.

“Oltin toʻp” sovrinini topshirish marosimi 28-oktyabr kuni Parijning Shatle teatrida boʻlib oʻtadi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер