Navoiy viloyatida “Kitobxonlik festivali” oʻtkaziladi

11:20 25 Iyul 2022 Madaniyat
949 0

Foto: Illustrativ foto

Xalq taʼlimi vazirligi huzuridagi Respublika bolalar kutubxonasi tomonidan yoshlar oʻrtasida kitob mutolaasi va kitobxonlik madaniyatini rivojlantirish maqsadida “Kitobxonlik festivali” tashkil etib kelinmoqda.

Bugungi kunga qadar Qoraqalpogʻiston Respublikasi, Andijon, Samarqand, Sirdaryo, Buxoro, Namangan va Xorazm viloyatlarida kitobxonlik festivali koʻtarinki ruhda oʻtkazildi.

Navbatdagi “Kitobxonlik festivali” 2022-yil 29-iyul kuni Navoiy viloyatida oʻtkaziladi. Tadbir doirasida kitoblar yarmarkasi, maʼnaviy-maʼrifiy kecha, teatr tomoshalari tashkil etiladi. Shuningdek, kitobxonlik haftaligi doirasida oʻtkazilgan tanlov va tadbirlarda faol qatnashgan ishtirokchilar tantanali ravishda taqdirlanadilar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?