Namanganda Nexia yoʻlni kesib oʻtayotgan 38 yoshli erkakni urib yubordi. Piyoda shifoxonada vafot etdi

10:44 01 Iyul 2021 Jamiyat
333 0

Namangan viloyatining Pop tumanida 38 yoshli erkak Nexia urib yuborishi oqibatida vafot etdi, deb xabar bermoqda viloyat IIB matbuot xizmati.

Voqea 26-iyun kuni soat 08:30 larda Pungon—Gʻurumsaroy—Pop yoʻlining 24 kilometrida yuz bergan. 75 yoshli haydovchi Nexiaʻni boshqarib borayotib, harakat xavfsizligini taʼminlay olmay, yoʻlini kesib oʻtayotgan piyodani urib yuborgan. Oqibatda piyoda olgan tan jarohati oqibatida shifoxonada vafot etgan.

Holat boʻyicha Pop tuman IIB huzuridagi Tergov boʻlinmasi tomonidan 26-iyun kuni Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam oʻlishiga sabab boʻlishi) bilan jinoyat ishi qoʻzgʻatilgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?