Illyustrativ foto

Oltmish yoshga toʻlgandan soʻng, yugurishdan voz kechish va uni boshqa mashgʻulot bilan almashtirish yaxshiroqdir, masalan, tez yurish. Bu fikrlarni terapevt Tatyana Galeyeva aytib oʻtdi.

“Oltmish yoshga kelib bemorlarda yurak-qon tomir tizimining turli kasalliklari paydo boʻlishi mumkin. Ular yugurish bilan shugʻullanganida insult, yurak xuruji, gipertoniya inqirozi, ritmning buzilishi, tromboz kabi jiddiy asoratlarga olib kelishi mumkin. Shuningdek, suyak tizimining shikastlanishi rivojlanishini eʼtiborsiz qoldirib boʻlmaydi, masalan, osteoartroz. Bu suyaklarning, umurtqalarning patologik sinishi nuqtayi nazaridan xavflidir”, — deydi mutaxassis.

Uning qoʻshimcha qilishicha, uzoq vaqt davomida sport bilan faol shugʻullangan odam yugurishni davom ettirishi mumkin. Ammo shunda ham zaxirani hisobga olish muhimdir.

“Keksalikda, terapevt va kardiolog tomonidan toʻliq tekshiruvdan oʻtgandan keyingina yumshoq rejimda yugurishni boshlagan maʼqul. Yugurishni muqobil mashgʻulotlar bilan almashtirish yanada yaxshiroqdir, masalan yurish, suzish yoki velosipedda uchish”, — deya xulosa qiladi Galeyeva.

Oldinroq, spirtli ichimliklar keltirib chiqaradigan saraton turlari haqida xabar bergandik.