Mirtemir. Erkatoy
Buvim allasi
Erkatoyim qayda ekan?
Asqar-asqar togʻda ekan.
Asqar togʻda netar ekan?
Qoʻzi boqib ketar ekan.
Qoʻzilari qayda ekan?
Adirda, toʻqayda ekan.
Qoʻnar joyi -- koʻkbuloq,
Qashqir, boʻri koʻp yiroq.
Erkatoyim qayda ekan?
Yashil-yashil bogʻda ekan.
Yashil bogʻda netar ekan?
Olma koʻchat ekar ekan.
Olmalari qayda ekan?
Kelasi kuz oyda ekan.
Pishar ekan qirmizi...
Tushar ekan qirmizi...
Erkatoyim qayda ekan?
Ulkan shahar yoqda ekan.
Shaharda u netar ekan?
Har kun maktab ketar ekan.
Maktabida netar ekan?
Olimlikka oʻqir ekan.
Oʻrtoqlaridan oʻtik,
Hamma bilimda yetuk.
Erkatoyim qayda ekan?
U chegara yoqda ekan.
Chegarada netar ekan?
Oʻz burchini oʻtar ekan.
Yov qutursa, netar ekan?
Hech ayamay otar ekan.
Asl bahodir oʻzi,
Peshonada yulduzi...
Tavsiya etamiz
Ko‘p o‘qilganlar
- Ramazon va tibbiy yondashuv: kimlar ehtiyot boʻlishi kerak?
- “E-ekspertiza” platformasi orqali elektron hujjatlar almashinuvini yoʻlga qoʻyish tartibi tasdiqlandi
- Nodavlat sud-eksperti sifatida faoliyat yuritish yanada soddalashtiriladi
- “Istanbul Bashakshehir” mehmondan gʻalaba bilan qaytdi
- Ukrainaning uch viloyatida portlashlar qayd etildi. Qurbonlar bor
- Bu yil Oʻzbekiston Proligasida 14 ta jamoa ishtirok etadi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring