Illyustrativ foto

“Microsoft” korporatsiyasi 1-avgust kuni “Authenticator” xizmatida parollarni qoʻllab-quvvatlashni oʻchirib qoʻyishini eslatdi. Bu haqda “CNET” nashri maʼlum qildi.

Shu yilning may oyida kompaniya “Microsoft” foydalanuvchilari xususiy “Authenticator” ilovasida saqlashi mumkin boʻlgan klassik parollardan voz kechishini eʼlon qilgandi. Joriy yilning 1-avgustidan boshlab isteʼmolchilar harflar, belgilar va raqamlardan iborat kirish kalitlariga majburan oʻtkaziladi. Shuningdek, ularga parollar oʻrniga PIN-kodlar, grafik kalitlar yoki biometrik login – barmoq izi yoki yuzni skanerlash orqali taqdim etiladi.

1-avgustdan boshlab saqlangan foydalanuvchi parollari oʻchiriladi va ularning barchasidan oʻz akkauntiga kirishning yangi usulini oʻrnatish soʻraladi. Iyun oyida “Microsoft” “Authenticator” ilovasiga yangi parollar qoʻshishni taqiqlagan edi. Biroq onlayn hisoblarga kirish uchun parollar hozircha “Edge” brauzerida qoladi.

“CNET” jurnalistlarining fikricha, xavfsizlik kalitlari parollarga nisbatan samaraliroq muqobildir. Amerikaliklar oʻrtasida oʻtkazilgan soʻrovga koʻra, katta yoshli internet foydalanuvchilarining 49 foizi taxmin qilish oson boʻlgan parollardan foydalanadi. Bundan tashqari, bir xil parol koʻpincha turli hisoblarga kirish uchun ishlatiladi.

Iyul oyi oxirida “Microsoft” “Windows 11 24H2” bilan bogʻliq muammolarni tan oldi. Avvalroq, kompaniya “24H2”ni “Windows”ning eng ishonchli versiyasi deb atagan edi.