Foto: Getty Images

Fransiyaning “PSJ” klubi hujumchisi Kilian Mbappe Ispaniyaning “Real Madrid” jamoasi bilan allaqachon shartnoma imzolab boʻlgan.

Ushbu fikrlarni Ispaniyaning “Barselona” klubining sobiq prezidenti Joan Gasparning aytib oʻtdi.

«Men sizga eksklyuziv maʼlumot bermoqchiman. Kilian allaqachon “Real Madrid” bilan shartnoma imzolagan. Bunga ishonchim komil. Men Florentino Peres (“Real Madrid” klubi prezidenti)ni bilaman. Shuning uchun men bunga ishonchim komil», deydi Gaspar.

Oldinroq Mbappe 2022-yilning yozida Madrid klubi futbolchisiga aylanishi haqida xabarlar tarqalgan edi. Unga koʻra, “Real Madrid” Fransiyalik futbolchiga yiliga 50 million yevro maosh toʻlaydi va shu tariqa Fransiya terma jamoasi hujumchisi dunyodagi eng koʻp maosh oluvchi futbolchiga aylanadi.

23 yoshli futbolchi joriy mavsumda parijliklar safida Fransiya chempionatida 20 ta oʻyinda maydonga tushib, raqiblar darvozasiga 10 ta gol kiritgan va 5 ta golli uzatmani amalga oshirgan. 

Futbolchining transfer narxi 160 million yevroni tashkil qiladi. Mbappening “PSJ” bilan shartnomasi 2022-yilning iyunida yakuniga yetadi.