Margʻilonda “Atlas bayrami” beshinchi milliy matolar festivali boʻlib oʻtadi

13:38 07 Sentyabr 2022 Madaniyat
886 0

Foto: Arxiv surat

Joriy yil 20-22-oktyabr kunlari Margʻilonda “Atlas bayrami” beshinchi milliy matolar festivali boʻlib oʻtadi.

Fargʻona viloyati hokimligi, UNESСOning Oʻzbekistondagi vakolatxonasi, “Hunarmand” uyushmasi, Margʻilon shahar hokimligi tomonidan boshqa xalqaro hamkorlar bilan birgalikda tashkil etiladigan ushbu festival Margʻilon ipakchiligining dovrugʻini dunyoga tanitishda, hunar va sanʼatga mehri baland insonlarning oʻzaro fikr va tajriba almashishida muhim oʻrin tutishi bilan ahamiyatlidir.

23-24-sentyabr kunlari UNESСOning Oʻzbekistondagi vakolatxonasi rahbari Sara Noshadi boshchiligidagi taniqli mutaxassislar va ekspertlardan iborat delegatsiya Fargʻona viloyatiga keladi.

Tashrif davomida festivalni oʻtkazish bilan bogʻliq tashkiliy masalalar yuzasidan viloyat hokimi Xayrullo Bozorov bilan uchrashuv oʻtkazish rejalashtirilgan.

Ushbu festivalda Margʻilonga Butunjahon hunarmandlar kengashi qarori bilan Hunarmandlar shahri maqomi berilishi kutilmoqda.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?