Maymun chechak Osiyoning yana bir davlatiga kirib keldi

21:45 25 Iyul 2022 Dunyo
1408 0

Illyustrativ foto

Yaponiya poytaxti Tokioda maymun chechak virusi bilan bogʻliq birinchi holat qayd etildi. Bu haqda “Reuters” poytaxt gubernatori maʼlumotiga tayanib xabar bermoqda.

“Kasallikni yuqtirgan 30 yoshli erkak kishi boʻlib, u yaqinda Yevropadan qaytgan va hozirda kasalxonada”, degan Tokio gubernatori Yuriko Koike jurnalistlarga.

23-iyul kuni Jahon sogʻliqni saqlash tashkiloti maymun chechak epidemiyasini global sogʻliqni saqlash uchun favqulodda holat deb eʼlon qildi. Bunga uning tez yuqishi sabab sifatida koʻrsatilgan. 

25-iyul holatiga koʻra, dunyoning 75 dan ortiq mamlakatida 16 000 dan ortiq maymun chechak bilan kasallanish holati tasdiqlangan. Afrikada ushbu infeksiya asoratlaridan besh kishi hayotdan koʻz yumgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?