Kecha, 25-sentyabr kuni Ispaniya La Ligasi 6-turidan oʻrin olgan oʻyinlar davom ettirildi. Kun doirasida boʻlib oʻtgan bahsda “Barselona“ “Real Oviyedo“ mehmoni boʻldi.

Uchrashuv 1:3 hisobida mehmonlarning gʻalabasi bilan yakunlandi. Oʻyinda hisob 33-daqiqa “Real Oviyedo“ futbolchisi Reyna tomonidan ochildi. 54-daqiqada Erik Garsiya hisobni tenglashtirdi.

70-daqiqada Robert Levandovski jamoasini hisobda oldinga olib chiqdi. 86-daqiqada “kataloniyaliklar“ himoyachisi Arauxo jamoasining uchinchi golini kiritdi. Yakuniy hisob 1:3.

Shu tariqa 6 ta oʻyinda 5 gʻalaba va 1 durang qayd etgan “Barselona“ 16 ochko jamgʻargan holda La Liga turnir jadvalida 2-oʻrinni egallab turibdi.

25-sentyabr, La Liga. 6-tur:

“Real Oviyedo“ — “Barselona“ 1:3

Stadion — “Nuevo Karlos Tartiyer“.

Gollar: Reyna (33) — Erik Garsiya (54), Levandovski (70), Arauxo (86).

“Real Oviyedo“: Eskandel, Alhasan, Reyna (Brekalo, 76), Bayo, Ayxadjo, Dendonker (Kolombatto, 89), Karmu, Kasorla (Ilich, 65), Rondon, Hasan (Sibo, 65), Chaira (Fores, 75).

“Barselona“: Joan Garsiya, Arauxo, Erik Garsiya, Martin, Kubarsi, Kasado (De Yong, 46), Olmo, Pedri (Bernal, 90+1), Rafinya (Levandovski, 65), Reshford (Kristensen, 90+1), Ferran.