Kilian Mbappe fevralda yangi jamoa bilan shartnoma imzolaydi

01:19 27 Oktyabr 2021 Sport
1068 0

Foto: AFР

Fransiyaning “PSJ” klubi hujumchisi Kilian Mbappe fevral oyida Ispaniyaning “Real” jamoasi bilan dastlabki shartnomani imzolashi mumkin. Bu haqda “Marca” nashri xabar bermoqda.

Qayd etilishicha, qirollik klubi vakillari fransiyalik futbolchining agentiga shartnoma shartlarini joʻnatgan.

Mbappe 2017-yilda “Monako”dan “PSJ”ga oʻtgandi. Parijliklar tarkibida u uch karra Fransiya chempioni (2017/18, 2018/19, 2019/20), ikki karra Liga kubogi (2017/18, 2019/20), ikki bor Superkubok (2019, 2020), shuningdek, uch marta Fransiya kubogi (2017/18, 2019/20, 2020/21) sohibi boʻlgan.

Transfermarkt portali maʼlumotlariga koʻra, Mbappening ayni paytdagi transfer bahosi 160 million yevroni tashkil etadi. Ayni damda u dunyodagi eng qimmat futbolchi hisoblanadi.

Avvalroq, “PSJ” sport direktori Leonardo hujumchi “Real”ga oʻtishi borasidagi muzokaralar haqida gapirib, Madrid jamoasi prezidenti Florentino Peresning bayonotini hurmatsizlik deb atagandi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?