Xorijiy investorlar kengashining birinchi yalpi majlisi (Fotoreportaj)

17:23 16 Noyabr 2022 Siyosat
1231 0

Foto: Hasan Paydoyev / "Xalq so'zi"

“Koʻksaroy” qarorgohida Oʻzbekiston Respublikasi Prezidenti huzuridagi Xorijiy investorlar kengashining birinchi yalpi majlisi boʻlib oʻtdi. Unda davlatimiz rahbari Shavkat Mirziyoyev ham ishtirok etdi.

— Sizlarni ishontirib aytamanki, Oʻzbekistonda investorlar oʻzini erkin his qilishi, ertangi kunga katta ishonch bilan barqaror ishlashi uchun barcha imkoniyatlarni yaratib beramiz. Aynan shuning uchun, bizga yaqin doʻst, xayrixoh boʻlgan eng ishonchli investorlar ishtirokida yangi Kengashni tashkil etmoqdamiz, — dedi Shavkat Mirziyoyev.

Kengash huzurida sarmoyadorlarni qoʻllab-quvvatlash ishchi guruhi tashkil etiladi. Yangi Ishchi guruhning faoliyatini investitsiyalar va tashqi savdo vazirining birinchi oʻrinbosari Laziz Qudratov muvofiqlashtirib boradi.

Xususan, investorni aeroportda kutib olishdan tortib, biznes uchun zarur ruxsatnoma va litsenziyalar berishgacha boʻlgan barcha xizmatlarni “yagona oyna” tamoyili asosida koʻrsatadi.

U boshqa barcha masalalardan ozod qilinib, bor eʼtiborini faqat investorlar bilan ishlashga qaratadi.

Investorning biror-bir muammosi yechilmasdan qolsa, tegishli rahbar ishdan ketadi. L.Qudratovga har oyda bir marotaba Prezidentga hisobot kiritish vazifasi yuklatiladi.

Xasan PAYDOYEV olgan suratlar.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?