“Xanchjou-2022”: Taekvondo boʻyicha Oʻzbekiston terma jamoasi aʻzolari Ulugʻbek Rashidov oltin, Feruza Sodiqova esa kumush medalni qoʻlga kiritdi

18:21 27 Sentyabr 2023 Sport
585 0

Foto: Xalq soʻzi/Xasan PAYDOYEV

Xanchjouda boʻlib oʻtayotgan XIX Osiyo oʻyinlarining toʻrtinchi kunida ham Oʻzbekiston sportchilari omadli yurishlarini davom ettirmoqda.

 Milliy Olimpiya qoʻmitasi maʻlumotiga koʻra, bugun taekvondo boʻyicha musobaqalarda ishtirok etgan “Tokio-2022” yozgi Olimpiya oʻyinlari gʻolibi Ulugʻbek Rashidov Osiyo oʻyinlari chempioni boʻldi.

Sportchimiz hal qiluvchi final bahsida Iordaniya vakili Abdulkarim Zaid ustidan 2:0 hisobida ishonchli tarzda gʻalabaga erishdi. Ulugʻbek finalga qadar gongkonglik Vay Fung Loni, Xitoy Taypeyi vakili Juy Yi Chuyni, Janubiy Koreyadan kelgan taekvondochi Xoyun Jinni magʻlub etdi.

Taekvondo bahslaridan yana bir xushxabar. Yurtdoshimiz Feruza Sodiqova -67 kg vazn toifasidagi bahslarda kumush medalni qoʻlga kiritdi. U finalda xitoylik Ji Song bilan jang qildi. Mazkur bahsda mezbon mamlakat vakilining qoʻli baland keldi. Shu tariqa, Feruza musobaqani ikkinchi oʻrin bilan yakunladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?