“Ijtimoiy soha obyektlarining isitish tizimlarini davlat-xususiy sheriklik asosida modernizatsiya qilish toʻgʻrisida”gi Prezident qarori (PQ–118-son, 10.04.2023-y.) qabul qilindi.

Qarorga koʻra:

Andijon, Namangan va Fargʻona viloyatlaridagi 5 722 ta davlat ijtimoiy soha obyektining issiqlik taʼminoti tizimlarini xususiy sektor ishtirokida modernizatsiya qilinadi.

2023-yilda Qoraqalpogʻiston Respublikasi, Qashqadaryo va Sirdaryo viloyatlarining barcha tuman (shahar)larida davlat ijtimoiy soha obyektlarida isitish tizimlari davlat-xususiy sheriklik asosida modernizatsiya qilish ishlari boshlanadi.

1-iyungacha jalb qilingan loyiha institutlari koʻmagida tuman (shahar)lardagi ijtimoiy soha obyektlarining issiqlik taʼminoti tizimini modernizatsiya qilish loyiha-smeta hujjatlari ishlab chiqilib, davlat ekspertizasidan oʻtkazilishi taʼminlanadi.

Bunda, loyiha-smeta hujjatlarini ishlab chiqish va davlat ekspertizasidan oʻtkazish xarajatlari hududlar mahalliy byudjeti mablagʻlari hisobidan amalga oshiriladi.

1-iyulgacha tuman (shahar)larda davlat-xususiy sheriklik asosida ijtimoiy soha obyektlarining issiqlik taʼminoti tizimini modernizatsiya qilish va boshqarish loyihalarining konsepsiyalari tasdiqlanadi.

1-avgustdan loyiha-smeta hujjatlari ishlab chiqilgan va loyiha konsepsiyalari tasdiqlangan tuman (shahar)lardagi ijtimoiy soha obyektlarining issiqlik tizimlarini davlat-xususiy sheriklik asosida bosqichma-bosqich modernizatsiya qilish ishlarini boshlanadi.

Ijtimoiy soha obyektlarida Oʻzbekistonda 1 yil sinovdan muvaffaqiyatli oʻtgan va xizmat qilish kafolati kamida 15 yilni tashkil qiladigan qozonlar oʻrnatiladi.