Iyul sayyoramiz tarixida eng issiq oy boʻlgani aytilmoqda

13:58 16 Avgust 2021 Dunyo
276 0

2021-yilning iyul oyi sayyoramizda ob-havo kuzatuvi boshlangandan, yaʼni 1880-yildan buyon tarixdagi eng issiq davr sifatida qayd etildi, deb xabar bermoqda Milliy okeanshunoslik va atrof-muhit tadqiqotlari boshqarmasi (NOAA).

Boshqarma mutaxassislari yozning oʻrtasi odatda yilning eng issiq davri hisoblanishini ham taʼkidlab oʻtishgan.

“Sayyoramizda ob-havoni kuzatish boshlangandan buyon, bu yilgi iyul tarixdagi eng issiq oy sifatida qayd etildi”, — deyiladi tashkilot saytida.

Maqolada yozilishicha, iyul oyidagi harorat Shimoliy Amerikaning ayrim hududlari, Janubiy Amerikaning shimoliy va janubiy qismlari, Shimoliy Afrika, Osiyoning janubiy qismi, Okeaniya hamda Tinch, Atlantika va Hind okeanining gʻarbiy va shimoliy qismining arim hududlarida harorat oʻrtachadan yuqori boʻldi.

Olimlarning hisob-kitobicha, 2021-yil iyul oyida quruqlik va okean yuzasida harorat oʻtgan asrda qayd etilgan oʻrtacha haroratdan taxminan bir daraja yuqori boʻlgan.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?