Iyul oyida eng koʻp piyoda yurib eng koʻp mablagʻni qoʻlga kiritgan fuqaro aniqlandi

21:46 11 Avgust 2021 Sport
747 0

Yurtdoshlarimiz orasida sogʻlom turmush tarzini targʻib etishga xizmat qiluvchi “Sogʻlom turmush tarzi” (1hls.uz) platformasida iyul oyi yakunlariga koʻra gʻoliblar aniqlandi.

Eslatib oʻtamiz, platformada Oʻzbekiston Respublikasining 18 yoshdan oshgan fuqarolari piyoda yurish va yugurish ilovasidan foydalanib, oʻz imkoniyatlarini sinovdan oʻtkazishi hamda oʻzlariga tegishli mukofot pullarini qoʻlga kiritishlari mumkin.

Iyul oyida ham respublikamiz boʻyicha tumanlar kesimida 203ta gʻolib aniqlandi. Afsuski, bu safar ham uchta tuman aholisi platformadan foydalanishmadi.

2021-yilning iyul oyi yakunlariga koʻra gʻoliblik yana Toshkent shahri vakiliga nasib etdi. Yashnobod tumanida istiqomat qiluvchi 34 yoshli Toirov Ulugʻbek Shomuhiddinovich oʻtgan oy davomida respublikamiz boʻyicha eng koʻp, yaʼni 1 888 231 qadam bosib oʻtgan. U tuman va shahar bosqichlarida ham eng koʻp yurgan inson sifatida umumiy miqdorda 1 mln. 800 ming soʻmdan koʻproq mablagʻga ega boʻldi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?