Italiya qahvasi — Italiya madaniyati va turmush tarzining ajralmas qismidir. U oʻzining noyob taʼmi, xushboʻyligi va yuqori sifati tufayli butun dunyoda mashhur. Keling, soha mutaxassislarining bu boradagi baʼzi iqtiboslarini va ushbu ichimlikning oʻziga xosligini tasdiqlovchi faktlarni koʻrib chiqaylik.

“Italiya qahvasi — bu yuksak sanʼat namunasidir, bu yerda tayyorlash jarayonining har bir bosqichi oʻziga xos maʼnoga ega”, deydi qahva sanoati boʻyicha mutaxassis, professor Luidji Lavaggia.

Ushbu iqtibos Italiya qahvasida xushboʻy hid, taʼm va teksturalarning mukammal muvozanatiga erishish uchun qahva donlarini tanlashdan tortib pishirish usuligacha boʻlgan barcha tafsilotlar muhimligini koʻrsatadi.

Italiyalik olimlar tomonidan olib borilgan tadqiqotlarga koʻra, italiya qahvasida antioksidantlarning yuqori konsentratsiyasi mavjud. Antioksidantlar tanani zararli erkin radikallardan himoya qilish va ayrim kasalliklarning rivojlanish xavfini kamaytirishda muhim ahamiyatga ega.

“Italyancha “Espresso”da oʻrta miqdorda kofein mavjud boʻlib, u jismonan va ruhan tetiklikni xohlovchilar uchun ideal tanlovdir”, deydi ovqatlanish va salomatlik boʻyicha mutaxassis, professor Marko Fioravanti.

Ushbu qahva turi odatda 63 mg. atrofida kofein mahsulotini oʻz ichiga oladi, bu oʻrtacha miqdorda xushboʻy hid va taʼmni haddan tashqari qoʻzgʻatmasdan bahramand boʻlish uchun xizmat qiladi.

Italiya — Yevropadagi eng yirik qahva isteʼmolchisi. Xalqaro qahva tashkiloti maʼlumotlariga koʻra, 2020-yilda oʻrtacha har bir italiyalik yiliga taxminan 5,9 kg. qahva isteʼmol qilgan. Ular qahvani juda qadrlashadi, bu esa Italiyani ushbu ichimlikni isteʼmol qilish boʻyicha dunyodagi eng muhim mamlakatlardan biriga aylantiradi.

Italiya qahvasi nafislik, uslub va lazzatlanish ramzidir. Mazkur ichimlikni tayyorlash jarayonining har bir tafsilotiga ehtiyotkorlik bilan yondashish va qahva donlarining yuqori sifati tufayli u butun dunyo boʻylab ixlosmandlarning qalbini zabt etdi.

Ziyoda ABDULLAYEVA,

Oʻzbekiston davlat jahon tillari universiteti 1-kurs talabasi.