Oʻzbekiston boksida yangi sahifa 4-avgust tongida AQSHning Los-Anjeles shahrida katta professional boks oqshomida ochildi. Ushbu oqshomning markaziy jangida Isroil Madrimov hamda amerikalik Terens Krouford birinchi oʻrta vazn toifasida WBA kamari uchun toʻqnash keldi.

Toʻliq 12 raund davom etgan jang yakunda hakamlar ochkolar evaziga (116-112, 115-113, 115-113) Terens Kroufordning gʻalabasini eʼlon qildi. Qayd etish kerakki, 2 ta hakam AQSHlik, bitta hakam yesa kanadalik edi.

Maʼlumot uchun aytish mumkinki, Terens Krouford professional ringda oʻtkazgan 40 ta jangining barchasida gʻalaba qozongan. Gʻalabalarining 31 tasiga nokaut orqali erishgan edi. Isroil Madrimov aslida raqib qanday boʻlishi kerakligini koʻrsatib qoʻya oldi.

Shu tariqa super yarim ogʻir vaznda chempion nomi oʻzgarmoqda. Jangdan soʻng AQSHlik bokschi Madrimovni oʻzi uchratgan eng kuchli raqiblardan boʻlganini va 12 raund “tinchlik” bermaganini bildirdi. Isroil esa jangda toʻliq ustunlik qilganini, bunday bahoni kutmaganini bildirgan.

Isroil Madrimov revansh soʻradi. Hozircha bu sodir boʻlish yoki boʻlmasligi nomaʼlum, ammo yana bir jang uchun asoslar yetarli.

“Xalq soʻzi” yurtdoshimizga keyingi janglarida omad tilaydi.