Botir MADIYOROV/“Xalq soʻzi”. Qoʻqon shahrida aholiga yuqori sifatli tibbiy xizmat koʻrsatish borasida keng qamrovli saʼy-harakatlar amalga oshirilmoqda.

Ayni jarayonda erishilgan yutuqlar samarasi sifatida endilikda Qoʻqon shahrida istiqomat qiluvchi nogironligi boʻlgan shaxslar, ijtimoiy himoya reyestriga kiritilgan fuqarolar Milliy tibbiyot markazi tomonidan taqdim etilgan mobil angiografiya xizmati shoxobchasi xizmatlaridan foydalanish imkoniga ega boʻldi.

— Ezgu maqsad yoʻlida hududlarda yurak-qon tomir kasalliklarining oldini olish, ularni barvaqt aniqlash va samarali davolash ishlarini kengaytirish, bemorlar uchun qulay shart-sharoitlar yaratish koʻzda tutilgan, — deydi Qoʻqon shahar tibbiyot birlashmasi rahbari Komiljon Sirojiddinov. — Bu borada oʻtgan davrda shaharda “Inson qadri ulugʻ” tamoyili asosida 150 nafar hamyurtlarimiz bepul agiografik tekshiruvdan oʻtkazildi.