Indoneziyada 50 yoshli ayolni piton yutub yubordi
Foto: Videodan kadr
Indoneziyaning Kalempang qishlogʻida bedarak yoʻqolgan ayolning jasadi piton qornidan topildi. Bu haqda BBC xabar berdi.
Qayd etilishicha, 50 yoshli Farida ismli savdogar ayol oʻrmon orqali bozorga borayotib, gʻoyib boʻlgan. Shundan soʻng mahalliy aholi uni qidira boshlagan.
Ertasi kuni chakalakzordan qorni juda shishib ketgan ulkan piton topgan. Odamlar eng yomon tahminlar bilan sudraluvchining qornini yorib koʻrishgan va yakunda shubhalar oʻz tasdigʻini topgan.
Aytilishicha, piton avvaliga ayolning oyogʻidan tishlagan, soʻng tanasiga oʻralib, boʻgʻib oʻldirgan. Keyin esa bosh tomonidan boshlab sekin-asta yutib yuborgan.
Maʼlumot uchun, retikulyar piton (Malayopython reticulatus) dunyodagi eng katta ilon boʻlib, uning uzunligi odatda 6,25 metrdan oshadi.
Retikulyar pitonlar Janubi-Sharqiy Osiyoda keng tarqalgan. Xususan, Indoneziya oʻrmonlarida shahar sivilizatsiyasidan bezovtalanmagan pitonlar koʻp uchraydi. Ular zaharli emas, balki kuchli muskullari orqali oʻljasini boʻgʻib oʻldiradigan ilonlar sanaladi.
Tavsiya etamiz
Ko‘p o‘qilganlar
- “Loʻlilar faqat tilanchimi?...” Ular yashayotgan mahalladan fotoreportaj
- Yangilanayotgan Markaziy Osiyo: birlik, doʻstlik va hamkorlikning yangi bosqichi
- Hokimlik Toshkentni “yuva boshladi“. Xoʻsh, suv sepish havo ifloslanishini kamaytiradimi?
- Nogironligi boʻlgan fuqarolarga 30 mln soʻmgacha foizsiz ssuda ajratiladi
- “Adabiyot va hayot”: Sultonboy Dehqonovning shaxsiy fotokoʻrgazmasi ochildi (+fotoreportaj)
- Kambagʻallikni qisqartirish: pul emas, aql-idrok va bilim muhim
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring