Foto: Arxiv surat

Ichki ishlar vazirining “Ichki ishlar organlarida ijtimoiy himoya qilish faoliyatini yanada takomillashtirish toʻgʻrisida” 2022-yil 1-martdagi 55-son buyrugʻi imzolandi.

Unga qoʻra, xodimlarni ijtimoiy himoya qilish faoliyatida byurokratik toʻsiqlarni yanada qisqartirish maqsadida quyidagi amaliyot joriy etiladi:

— xodimlar va ularning oila aʼzolariga ijtimoiy himoya qilish borasidagi xizmatlar “Yagona darcha” tamoyili asosida ijtimoiy himoya qilish masalalari boʻyicha markaziy hamda hududiy komissiyalar tomonidan koʻrsatiladi;

— MMIvaKBTD hamda uning hududiy boʻlinmalari ijtimoiy himoya qilish faoliyatiga umumiy rahbarlikni amalga oshiradi va uning yagona tizim asosida muvofiqlashtirilishini taʼminlaydi;

— ijtimoiy himoya qilish borasidagi murojaatlar anʼanaviy tarzda hamda Vazirlikning “E-ijtimoiy-himoya.iiv.uz” yagona interaktiv xizmatlar portali orqali elektron tarzda qabul qilinadi va oshkora elektron navbat yuritiladi;

— ijtimoiy himoya qilish faoliyatini boshqacha tarzda amalga oshirishga, shu jumladan bu boradagi murojaatlarni koʻrib chiqishda sansalorlik va byurokratik toʻsiqlarga yoʻl qoʻyilmaydi.