Husanov Osiyoning eng qimmat futbolchilaridan biriga aylandi
Oʻzbekiston milliy jamoasi va “Manchester Siti” klubi himoyachisi Abduqodir Husanov Osiyo qitʼasining eng qimmat futbolchilaridan biriga aylandi. Bu haqda “Transfermarkt” portali maʼlumotlarida qayd etilgan.
Manbaga koʻra, Angliyaning “Brayton” vakili Kaoru Mitomaning transfer qiymati 40 million yevrodan 35 million yevroga kamaygan. Hozirda oʻzbekistonlik 21 yoshli futbolchi Abduqodir Husanovning ham bozor qiymati 35 million yevroga teng. Bu esa Husanov va Mitoma ayni vaqtda Osiyo qitʼasining eng qimmat futbolchisi sifatida reytingda 1-oʻrinda turganini anglatadi.
Oktyabr oyidagi yangilanishdan soʻng yana bir osiyolik futbolchi, “Bavariya” himoyachisi Kim Min Jaening narxi ham 40 million yevrodan 32 million yevroga tushgan. Bu Husanovni transfer qiymati boʻyicha qitʼadagi eng qimmat himoyachiga aylantirdi.
Maʼlumot uchun, Abduqodir Husanov joriy yilning yanvar oyida Fransiyaning “Lans” klubidan 40 million yevro evaziga Angliyaning “Manchester Siti” jamoasiga oʻtgan edi. U “shaharliklar” bilan 4-yillik shartnoma imzolagan.
Tavsiya etamiz
Ko‘p o‘qilganlar
- G20 sammitining Janubiy Afrikada oʻtkazilishi sharmandali holat – Tramp
- AQSH va Britaniya Suriya muvaqqat prezidenti Axmad ash-Sharʼani “qora roʻyxat”dan chiqardi
- Oʻzbekiston U-17 terma jamoasi Jahon chempionatidagi ikkinchi oʻyinida magʻlub boʻldi
- Oʻzbekiston milliy terma jamoasining xalqaro musobaqa uchun qaydnomasi eʼlon qilindi
- Yosh oʻzbek yozuvchisining asari Xalqaro bolalar adabiyoti kengashining faxriy roʻyxatiga kiritildi
- Turkiya sudi Netanyahuni Gʻazoda genotsid sodir etganlikda ayblab, hibsga olish orderini maʼqulladi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring