Guterrish Oʻzbekistonga keladi
29-iyun kuni BMT Bosh kotibi Antoniu Guterrish Markaziy Osiyo davlatlariga safar qiladi. U Oʻzbekiston, Qirgʻiziston, Qozogʻiston, Tojikiston va Turkmanistonga tashrif buyuradi. Bu haqda uning matbuot kotibi Stefan Dyujarrik Nyu-Yorkdagi brifingda maʼlum qildi.
Unga koʻra, har bir davlatda BMT Bosh kotibi davlat rahbari va boshqa yuqori martabali hukumat vakillari bilan uchrashadi, shuningdek, iqlim oʻzgarishiga qarshi kurashga oid loyihalar bilan tanishadi va mahalliy faollar bilan muloqot qiladi. Safarning ilk manzili Oʻzbekiston boʻladi.
Guterrish 4-iyulda Ostonada boʻlib oʻtadigan Shanxay hamkorlik tashkiloti sammitida ishtirok etadi. U nutqida forum ishtirokchilariga BMT Nizomi hamda Inson huquqlari umumjahon deklaratsiyasida keltirilgan koʻp tomonlama tamoyillarga sodiqlikni yana tasdiqlash kerakligini eslatib oʻtadi. Shuningdek, bu saʼy-harakatlar negizida tinchlikka intilish yotishi kerakligini taʼkidlaydi.
U 7-iyul kuni Nyu-Yorkka qaytadi.
Tavsiya etamiz
Ko‘p o‘qilganlar
- Raqamli Oʻzbekiston uchun kiber-huquqshunoslar: Prezident Farmoni yuridik taʼlimning yangi davrini ochadi
- Oʻzbekiston Respublikasining xorijdagi diplomatlaridan iborat delegatsiya aʼzolari Islom sivilizatsiyasi markaziga tashrif buyurdi (+fotoreportaj)
- 16-yanvar kuni baʼzi joylarda qor yogʻadi
- Koʻrfaz arab davlatlari bozoriga bojsiz kirish imkoni yaratiladi
- Dunyo boʻylab qon va koʻzyosh bilan oʻtgan bir hafta — 20 ta suratda
- “Analog turmush tarzi”. Insonlarda sunʼiy intellektga qarshi kayfiyat kuchaymoqda
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring