Germaniya Bundesligasi “Bavariya” klubi uchun barakali boshlandi
Kecha, 22-avgust kuni Germaniya Bundesligasining 2025/2026-yilgi mavsumi boshlandi.
Mazkur turnirning ilk bahsida amaldagi chempion “Bavariya” klubi “Leypsig” jamoasiga qarshi saf tortdi. Uchrashuv Myunxen shahrida joylashgan “Alyans Arena” stadionida boʻlib oʻtdi.
Ushbu oʻyin gollarga boy boʻldi. Mezbonlar raqib darvozasiga javobsiz 6 ta toʻp kiritishdi. Uchrashuv 6:0 hisobida “Bavariya” klubining gʻalabasi bilan yakunlandi. Bahs davomida mezbonlar hujumchisi Harri Keyn xetrik qayt etgan boʻlsa, Maykl Olise dublga erishdi. Jamoaning “Liverpul” klubidan xarid qilgan yarim himoyachisi Luis Dias ham oʻz nomini tabloga yozdirib qoʻyishga muvaffaq boʻldi.
Shu tariqa Vensan Kompani boshchiligidagi jamoa Bundesligani gʻalaba bilan boshladi. “Bavariya” klubi ikkinchi turni 30-avgust sanasida “Augsburg” jamoasiga qarshi oʻtkazadi.
Tavsiya etamiz
Ko‘p o‘qilganlar
- Roʻziqul Berdiyevning matbuot anjumanidagi fikrlari yuzasidan surishtiruv oʻtkaziladi
- Oʻzbekistonda Kasbiy taʼlim agentligi tashkil etiladi
- Tramp Koreya yarimorolidagi mojaroga yakun yasashga vaʼda berdi
- Oʻzbekistonning yangi trayektoriyasi: Asosiy xorijiy transferlar xaritasi
- AQSH Rossiyaga bosim oʻtkazishning muqobil usullarini oʻrganmoqda
- Hindistonda “Montta” sikloni sababli qariyb 90 ming kishi evakuatsiya qilindi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring