Gʻalabangiz muborak boʻlsin yosh saylovchilarim!

14:48 26 Iyul 2022 Sport
590 0

Kuni kecha Jizzax viloyatining “ZOMIN” markaziy oʻyingohida Mini-futbol boʻyicha Oʻzbekiston Respublikasi Davlat xavfsizligi xizmati RAISI KUBOGIning Jizzax viloyati final bosqichi oʻtkazildi. Final bosqichida Jizzax shahrining Turon MFY hamda Arnasoy tumanining Yangiboʻston jamoalarining final uchrashuvi. Gʻoliblikni esa 2:1 hisobi bilan Jizzax shahrining Turon MFY jamoasi qoʻlga kiritdi.

Hurmatli Turon MFYdagi yosh saylovchilarim!

Avvalambor Sizlarni viloyat bosqichida gʻoliblikni qoʻlga kiritganliklaringiz bilan chin qalbimdan tabriklayman. Men sizlarning bu yoʻlda marrani baland olib, yagona kuch boʻlib, harakat qilishingizga va Respublika bosqichida ham gʻoliblikni qoʻlga kiritishingizga albatta ishonaman!

Men sizlar bilan haqli ravishda faxrlanaman!

Sizlar bunga albatta qodirsiz!

Yoshlar qudratli davlatimizning ertangi kuni, yangi Oʻzbekistonimizning poydevori sanaladi. Zero, ularning sogʻlom va komil inson boʻlib voyaga yetishlari mamlakat istiqbolini belgilab beradi. Shu maʼnoda, bugungi kunda Oʻzbekiston Respublikasi Prezidenti Sh.M.Mirziyoyev tashabbusi bilan ilgari surilayotgan yoshlarga oid davlat siyosatini hayotga joriy etishda Davlat xavfsizlik xizmati ham oʻzining sezilarli hissasini qoʻshib kelmoqda.

“Sogʻlom yoshlar - yangi Oʻzbekiston kelajagi” shiori ostida oʻtkazilayotgan ushbu musobaqalar yoshlarimizning oʻz iqtidorlarini namoyish etishlari uchun yana bir imkoniyat sanaladi. Taʼkidlash lozimki, DXX Raisi kubogini oʻtkazishdan koʻzlangan maqsad yoshlar orasida sportni ommalashtirish va sogʻlom turmush tarzini targʻib qilish, shuningdek, ularni vatanga sadoqat ruhida tarbiyalashdan iboratdir.

Abdulaziz Xujakov

Xalq deputatlari Jizzax shahar Kengashi deputati

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?