Fransiyada noqonuniy muhojirlar soni 700 ming nafarga yetdi
Fransiya hududida taxminan 700 ming nafar noqonuniy muhojir yashayotgan boʻlishi mumkin. Bu haqda mamlakat ichki ishlar vaziri Loran Nunes maʼlum qildi, deb yozadi TASS.
— Agar davlat tomonidan koʻrsatilayotgan tibbiy yordam haqidagi maʼlumotlarga asoslanadigan boʻlsak, mamlakatimizda noqonuniy muhojirlar soni 700 ming atrofida. Bu faqat taxminiy raqamlar, aniq sonni bilmaymiz, — dedi vazir.
Nunesning soʻzlariga koʻra, Fransiya hukumati noqonuniy migratsiyaga qarshi faol choralar koʻrmoqda.
— Bu juda muhim va murakkab masalalar boʻlib, ular bizning Yevropa hamkorlarimizga ham taalluqli. Shu bois bu masala Yevropa darajasida ham muhokama qilinmoqda, — deya qoʻshimcha qildi u.
Avvalroq xorijiy OAVlar 2012-yildan 2022-yilgacha boʻlgan davrda Fransiyada noqonuniy muhojirlar soni 73 foizga oshgani haqida xabar bergan edi.
Tavsiya etamiz
Ko‘p o‘qilganlar
- Nodirbek Abdusattorov Pragadagi shaxmat festivalida chempionlikni qoʻlga kiritdi
- Oʻzbekistondagi Islom sivilizatsiyasi markazi Prix Versailles talqiniga koʻra 2026-yilning dunyodagi eng goʻzal muzeylari roʻyxatiga kiritildi
- Endilikda yoʻlovchi bojxona deklaratsiyasini mobil ilova orqali elektron shaklda topshirish mumkin
- Matchanov Umirzak Seitjanovichning iqtisodiyot fanlari boʻyicha falsafa doktori (PhD) dissertatsiya himoyasi eʼloni
- Yaqin Sharqdagi keskinlikning narxi: AQSH, Isroil hamda Eron urush uchun qancha sarflayapti?
- Eronning hujum salohiyati 50 foizga qisqardi – AQSH senatori
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring