Fransiya prezidenti Emmanuyel Makron boʻlajak saylovlarda oʻta chap yoki oʻta oʻngning gʻalabasi “birodarkushlik urushi” (fuqarolar urushi)ga olib kelishi mumkinligidan ogohlantirdi. Bu haqda “Politico” nashri xabar bermoqda.

Prezident oʻta chap qanot “La France Insoumise” va oʻta oʻng “Rassemblement national” partiyalarini boʻlinish hamda keskinlikni keltirib chiqargani uchun tanqid qilib, bu partiyalarning din, shuningdek millatga oid siyosati jamoalarni mojaro tomon undashini taxmin qilgan.

Makron oʻz intervyusida oʻta oʻngchilar ishonchsizlik va oʻziga xoslikka eʼtibor qaratayotgani odamlarni oʻz diniga yoki kelib chiqishi bilan bogʻliq konfliktlarni kuchaytirgan. Jan-Lyuk Melanshon boshchiligidagi oʻta chap partiyani esa saylovchilarni jalb qilish uchun milliy boʻlinishni targʻib qilishda, xususan, Isroilning Gʻazodagi harakatlarini tanqid qilishda ayblagan.

Makronning ushbu bayonoti oʻz koalitsiyasining Yevropa Ittifoqi saylovlarida yomon natija koʻrsatganidan keyin yangrashi koʻplab tanqidchilarning eʼtiboriga tushgan.

Maʼlumot uchun aytish kerakki, Milliy ralli birinchi turda 35%, chap qanot ittifoqi 27% va Makronning markazchilari 19% foiz ovoz toʻplashga erishgan. Uning taʼkidlashicha, ekstremal yechimlar jozibador koʻrinishi mumkin, ammo oxir-oqibat koʻproq boʻlinish va mojarolarga sabab boʻladi.

Yevropa Ittifoqi parlamentga saylovlarda iqtisodiyot, migratsiya va xalqaro mojarolar haqidagi xavotirlar saylovchilarning ongida hukmronlik qilgan va ovoz berish qaroriga eng koʻp taʼsir qilgani haqida xabar bergan edik.