Filolog va iqtisod mutaxassisi Islom sivilizatsiyasi markaziga direktor etib tayinlandi

Firdavs Fridunovich Abduxalikov Vazirlar Mahkamasi huzuridagi O‘zbekistondagi Islom sivilizatsiyasi markazi direktori etib tayinlandi. 

Muassasaning shu kungacha direktori lavozimida ishlab kelayotgan Shaazim Shoislamovich Minovarov ushbu lavozimdan ozod qilindi.

Islom sivilizatsiyasi markazi binosi poytaxtimizda joylashgan bo‘lib, 2017-yildan beri qurilmoqda.

Firdavs Abduxoliqov, dastlab, Samarqand davlat universitetining filologiya, so‘ngra iqtisodiyot sohasida oliy ma’lumotga ega bo‘lgan. Bundan tashqari, taniqli media magnati 2023-yilning 24-oktyabrida "O‘rta asr Sharq miniatyurasida tarixiy shaxslar badiiy talqini" mavzusida doktorlik dissertatsiyasini ham himoya qilgandi.

2003-yildan 2022-yilgacha Elektron ommaviy axborot vositalari milliy assosiatsiyasini boshqargan. 2019-2021-yillarda “O‘zbekkino” milliy agentligi bosh direktori sifatida, 2021-yildan beri Kinematografiya agentligini boshqarib kelayotgandi.