Foto: Xalq so'zi

Farg‘ona shahrining Surxtepa mahallasida ekoturistik va gastrnomik turizm ob’yektlari tashkil etilmoqda. Ta’kidlash joizki, mahalla hududidan yilning to‘rt faslida ham tiniq soy suvi oqib o‘tadi. Tabiati so‘lim bu maskanlarda sayyohlarni jalb etish uchunq qulay imkonyatlar mavjud.

- Xizmat ko‘rsatish va turizm sohasi mahallaning “drayver”i hisoblanadi, - deydi “Surxtepa” MFY bo‘yicha hokim yordamchisi, “Shuhrat” medali sohibi Ra’no Xojibolayeva. – Bugungi kundagi mahalladagi 100 dan ortiq xonadonlarda milliy andozalar asosida xizmat ko‘rsatish shoxobchlari faoliyat ko‘rsatmoqda. 

Hozirda dam olish maskanlari yil davomida uzluksiz faoliyat ko‘rsatishi uchun xorij tajribasi asosida loyihalarga pergola usulida – qishda yopib, yozda yig‘ib qo‘yish mumkin bo‘lgan yengil tipdagi tentlar tizimini o‘rnatish bo‘yicha sa’y-harakatlar olib borilmoqda.

Botir Madiyorov, “Xalq so‘zi”.