Foto: Al Jazeera

Falastin tarafdorlari Avstraliyaning Kanberradagi parlament tomiga chiqib, “Daryodan dengizgacha Falastin ozod boʻladi” kabi shiorlar yozilgan bannerlarni osib qoʻydi. Bu haqda “Al Jazeera” nashri xabar berdi.

Bu namoyish bosh vazir Entoni Albaniz hukumatidagi ichki mojarolar ortidan sodir boʻlganini taʼkidlagan. Maʼlum boʻlishicha, u yaqinda musulmon senatorni Falastin davlatini tan olish uchun ovoz bergani uchun lavozimidan chetlatgan edi.

“Renegade Activists” guruhining bir qismi boʻlgan namoyishchilar bir necha bannerlarni, jumladan, “Oʻgʻirlangan yerlarda tinchlik yoʻq” yozuvini koʻrsatib, bir soatcha tomda turishdi. Namoyishchilardan biri Isroil hukumatini Amerika Qoʻshma Shtatlari koʻmagida Gʻazoda urush jinoyatlarini sodir etganlikda ayblab, Avstraliya hukumatini unga sheriklikda tanqid qildi.

Muxolifat vakili Jeyms Paterson voqeani “parlament xavfsizligining jiddiy buzilishi” deb atadi va tergov zarurligini taʼkidladi. Gʻazo mojarosiga javoban Janubiy Afrika Isroilni genotsidda ayblab, Xalqaro sudga murojaat qilgandi. Birlashgan Millatlar Tashkilotining surishtiruvi shuni koʻrsatdiki, Isroil ham, HAMAS ham urushning dastlabki bosqichlarida urush jinoyatlarini sodir etgan va Isroilning harakatlari ham insoniyatga qarshi jinoyatlardan iborat.

Avstraliyaning ushbu masala boʻyicha ichki siyosiy keskinligi hukumat siyosatiga qarshi boʻlgan Falastin davlatchiligini qoʻllab-quvvatlovchi taklif uchun ovoz bergan senator Fotima Paymanning faoliyatini toʻxtatib turish qaroriga kelgan edi.

Avvalroq, “Google”ga tegishli kompaniya Isroildagi faoliyatini toʻxtatgandi.