Davlat madhiyasi bastakorining uy–muzeyidan fotoreportaj

10-dekabr – “Oʻzbekiston Respublikasi Davlat gimni toʻgʻrisida”gi Qonun qabul qilingan kun

Bundan 28 yil muqaddam, aniqrogʻi, 1992-yilning 10-dekabrida “Oʻzbekiston Respublikasi Davlat gimni toʻgʻrisida”gi Qonun qabul qilingan edi. Davlatimiz madhiyasining soʻzi Oʻzbekiston xalq shoiri Abdulla Oripov qalamiga mansubligini, uning musiqasini esa bastakor Mutal Burhonov yozganini barchamiz bilamiz, albatta.

Madhiyamiz bastakori umrining oxirgi yillarini ona – shahri Buxoroda oʻtkazdi.1997 – 2002-yillarda oʻziga ajratilgan shinamgina toʻrt xonali uyda yashab ijodini davom ettirdi.U istiqomat qilgan Bahouddin Naqshband koʻchasidagi bu goʻsha hozir Mutal Burhonov uy – muzeyiga aylantirilgan.

Ushbu dargohda oʻtgan asrning suronli, ziddiyatli 30–yillari, sanʼatimiz dargʻalari, madaniy merosimiz , bastakorning ibratli hayotiga oid koʻplab eksponatlarni, noyob suratlar, kitoblar va hujjatlarni koʻrish mumkin.

Quyida shu uy–muzeyga daxldor ayrim suratlarni eʼtiboringizga havola qilamiz.