Davlat idoralarining rasmiy saytlari yagona platformaga oʻtkaziladi

12:16 04 Fevral 2025 Jamiyat
184 0

2025-yil 31-yanvar kuni “Davlat organlari va tashkilotlarining rasmiy veb-saytlari faoliyatini yanada takomillashtirish chora-tadbirlari toʻgʻrisida”gi hukumat qarori qabul qilindi.

Unga koʻra, 2025-yil 1-martdan barcha davlat organlari va tashkilotlari “UZINFOCOM” bilan shartnoma tuzib, rasmiy veb-saytlari va portallari faoliyatini faqatgina hukumat portali – gov.uz orqali yoʻlga qoʻyadi. Vazirlik va idoralar hukumat doirasidagi ishlar va tadbirlar toʻgʻrisidagi axborotlarni chop etishdan oldin bosh vazir matbuot xizmati bilan kelishishi talab etiladi.

Taʼkidlanishicha, yangi tashkil etilgan davlat organlari ham oʻzlarining rasmiy veb-sayt faoliyatini tashkil etilgan sanadan boshlab bir oy muddatda yagona platformada yoʻlga qoʻyishlari kerak.

Yagona platformaga oʻtkazilganidan soʻng bir hafta muddatda eski rasmiy veb-sayt domen manzillari va maʼlumotlari ham platformaga yoʻnaltiriladi yoki ularning faoliyati toʻxtatiladi.

Tavsiya etamiz

Izohlar

Hozircha hech kim fikr bildirmagan. Balki Siz birinchilardan bo'larsiz?

Ko‘p o‘qilganlar

Yangiliklar taqvimi

Кластер