“Copa America” finalida kimlar oʻynashi maʼlum boʻldi
Foto: ESN
Bugun, 11-iyul kuni futbol boʻyicha Amerika chempionati musobaqasining ikkinchi yarim final uchrashuvi boʻlib oʻtdi.
Unda Kolumbiya termasi Urugvayni magʻlub etdi. Uchrashuvning 39-daqiqasida Lerma tomonidan kiritilgan gol oʻyin taqdirini hal qildi. Bahsning 45-daqiqasi kolumbiyaliklar bir kishi kam boʻlib qolgan boʻlishsa-da, yakunda gʻalabani ilib ketishdi.
Qayd etish kerakki, Kolumbiya terma jamoasi soʻnggi 28 ta oʻyindan beri yutqazmayapti. Jamoa tarkibida sobiq “Real Madrid” futbolchisi Xames Rodriges ham bor. U bu musobaqada ajoyib sermahsullik qayd etmoqda.
Endi 14-iyul kuni Xames Rodriges yetakchiligidagi Kolumbiya finalda Argentinaga qarshi oʻynaydi.
Kolumbiya esa ushbu musobaqada 17 bor qatnashgan va faqat bir marta — 2001-yilda gʻolib boʻlgan. Argentina ushbu musobaqaning 15 bor gʻolibi hisoblanadi. 2021-yilda oʻtkazilgan turnirda ham Lionel Messi hamyurtlari bilan bosh sovringa ega chiqqandi.
Avvalroq, Messi “Copa America”ni yutsa, “Oltin toʻp” olishi mumkinligi haqida xabar bergandik.
Tavsiya etamiz
Ko‘p o‘qilganlar
- Ayrim oilalarga bir martalik moddiy yordam beriladi
- Oʻzbekistonda doimiy aholi soni har kuni necha kishiga oshyapti?
- Shahram Gʻiyosov tajribali raqibini muddatdan oldin magʻlub etdi
- Samarqand yana bir nufuzli forumga mezbonlik qiladi
- Markaziy bank shoshilinch ogohlantirish bilan chiqdi
- “Leapmotor” Oʻzbekistonda oʻtkazilgan avtomobil testi natijalaridan noroziligini bildirdi
Izohlar
Hozircha hech kim fikr bildirmagan. Balki Siz birinchilardan bo'larsiz?
Izoh qoldirish uchun tizimga kiring